唔願起身返學？撃走「賴床」3大魔法！

個多月的暑假眨眼間就放完，靚太型爸們又要開始做「人肉鬧鐘」了。但小朋友暑假日日睡到「黃朝百晏」，突然回復早起生涯，難免會出現「賴床、叫極唔醒」的情況，令上學變得極度狼狽！家庭生活易就獻上以下3個魔法，幫助小朋友撃走「賴床」魔咒！
 

1. 不賴床，由放學做起
 
大家都知道睡前的活動會影響睡眠的質素，晚上睡得不好，第二日早上自然想「賴床」。所以小朋友睡前都應盡量放鬆，減少玩手機和平板電腦，以免情緒過度興奮，也可嘗試改變洗澡的習慣，延至臨睡前才洗澡。
 

特別是升了小學的小朋友，功課、默書、測驗等日益增多，有時放學後還要上興趣班，部份小朋友至晚上11時還未完成功課和溫習，間接影響睡眠質素！所以靚太型爸們應好好規劃囝囡放學後的時間表，因應情況，平衡做功課、溫習、興趣班和休息等時間，盡量督促小朋友在指定時間內（如晚飯前或晚上九時前）完成功課和溫習，不但可以幫助入睡，令第二天精力充沛，減少「賴床」，還可保持小朋友對學習的動力。
 

2. 早上營造起床氣氛
 
早上靚太型爸們啟動「響鬧功能」前，不妨先拉開窗簾讓陽光入屋，因為人體接觸到陽光後，腦內負責調節人體晝夜規律的松果體就會降低褪黑激素的分泌，小朋友才會慢慢「自然醒」；此外，家長也可嘗試扭開電視或收音機，製造輕微聲浪，製造「爸媽原來都已起床，我也要起床」的感覺。
 

3. 週末別太晚起床
 
平日早起，星期六、日時靚太型爸們總想讓囝囡多睡一點，不過切記不要多睡超過於4小時，如小朋友平日習慣六時半起床，假日只可以睡到九時半、十時左右。因為太晚起床，就會將生理時鐘往後移，晚上變得難以入睡，到了星期一自然又不願起床了。

Text_Cyrus