張生,乜又係你?娛樂圈兩位模範老公!
13.05.2017
張頴康剛剛宣布麥雅緻懷孕四個月,喺社交網站度公開向老婆示愛:「嚟緊嘅日子又要辛苦我老婆喇!老婆,辛苦你!多謝你!我愛你!」
另外,最近忙住照顧囡囡Karina嘅張繼聰都係愛妻號一名,唔知係咪姓張嘅男人特別錫老婆㗎呢?
另外,最近忙住照顧囡囡Karina嘅張繼聰都係愛妻號一名,唔知係咪姓張嘅男人特別錫老婆㗎呢?
張頴康
張頴康一直好感激老婆擔起頭家,即使阿康一開始星運平平,依然支持佢繼續追夢。
舊年佢嘅努力終於得到回報,喺各大頒獎典禮得獎嘅佢喊住多謝Angie:「如果無我老婆,張頴康冇可能用演員身份去拎呢個獎!多謝我老婆!我愛你!」聽到Angie都眼濕濕。
張頴康一直好感激老婆擔起頭家,即使阿康一開始星運平平,依然支持佢繼續追夢。
舊年佢嘅努力終於得到回報,喺各大頒獎典禮得獎嘅佢喊住多謝Angie:「如果無我老婆,張頴康冇可能用演員身份去拎呢個獎!多謝我老婆!我愛你!」聽到Angie都眼濕濕。
阿康好放心將成副身家交畀老婆處理,而佢每日就有$100零用錢。正當粉絲擔心佢會唔會唔夠錢用,話Angie管得太嚴嘅時候,阿康即刻寫長文為老婆辯護,多得老婆管理好家中財政,佢先有咁舒適嘅生活:「希望大家知道,一個女人要照顧一頭家,其實係好辛苦好偉大!就算我搵幾多錢俾家用,都彌補唔到佢為咗個家嘅付出!仲有,我好想講,如果冇我老婆一直以嚟管理我嘅生活,唔好話$100零用錢,我諗我而家一定仙都唔仙吓!」
雖然張頴康好忙,但都儘量抽時間陪老婆同囡囡小豆,為一家三口下廚。而呢位大男孩都非常懂得感恩,就連老婆陪佢食大排檔都覺得好幸福:「曾經睇過一篇文章:『如果有一個女仔肯同你坐大排檔,你真係好幸福!』但係今晚竟然係我老婆要求我坐大排檔,所以我係非常之幸福!」
張繼聰
張繼聰同謝安琪係公認嘅模範夫妻,唔經唔覺佢哋已經結婚10年,阿聰依然肉麻,公開發表愛的宣言:「感謝你成為我的妻子及最好的朋友。晃眼十年,因為有你同行, 就算走過高山低谷,我都覺得沿途風光明媚。能夠有如此靈魂伴侶,讓這趟地球之旅變得幸福完滿。放心,我會繼續喺我哋嘅婚姻生活裏面搞笑,令你繼續成為快樂的太太。」
張繼聰同謝安琪係公認嘅模範夫妻,唔經唔覺佢哋已經結婚10年,阿聰依然肉麻,公開發表愛的宣言:「感謝你成為我的妻子及最好的朋友。晃眼十年,因為有你同行, 就算走過高山低谷,我都覺得沿途風光明媚。能夠有如此靈魂伴侶,讓這趟地球之旅變得幸福完滿。放心,我會繼續喺我哋嘅婚姻生活裏面搞笑,令你繼續成為快樂的太太。」
阿Kay陀B期間,身材比之前圓潤咗唔少,阿聰就話:「我覺得老婆大肚依然好靚,做老公唔應該話佢肥,陀BB好辛苦㗎!女士們應該享受呢10個月,盡情咁食,玩盡佢。」
到阿Kay要生囡囡喇,忙到甩轆嘅阿聰向劇組請假,要親身陪住老婆生B、親手剪臍帶。由於阿Kay今次要開刀, 張繼聰既緊張又心痛:「感覺到太太真係好偉大,見到佢開刀好肉赤,除非科學發展到男人可以代生仔,唔係就兩個夠晒數。」
圖片來源:張頴康、張繼聰Facebook
圖片來源:張頴康、張繼聰Facebook
19487 次觀看