炸芝士蝦餅

1) 先將蝦解凍.

2) 將解凍既蝦打成蝦膠:

a: 用刀打平大成拍落去蝦到, 再用DD 力壓扁佢. 如果你怕彈到周圍都係, 你可以選擇唔大力拍, 而係大大拍用刀打平壓扁佢.  見到佢扁哂, 就可以啄下佢, 啄到你見唔到D 一粒粒好大舊肉為止, 通常你咁拍法, 都唔會有幾多粒完整既蝦肉係到架勒. 將啄好既蝦肉放係一個大碗到, 個碗既SIZE係要足夠比你一陣成舊蝦滑拎起再達返落碗到.

b: 調味: 加胡椒粉 (大約一茶匙) , 小小糖 (大約半茶匙) , 小小鹽 (真係小小) 同生粉 (半茶匙)

c: 大大力用快子攪拌, 用打圈既方法, 攪到D 蝦膠同調味料完全mix埋哂. 你係攪既同時, 應該會feel到D 蝦膠好難攪拌, 同埋好痴立立. 咁就岩勒, 蝦膠就係要咁.

d: 將蝦膠拎起手, 再用DD 力達返落碗到, 呢個動作重覆做5次到啦, 蝦膠完成. 將打好既蝦膠放係雪櫃傭用.

3) 將芝士 (平日supermarket 買個D 咩夫芝士都OK架勒) 切開一粒粒. 可以將整塊芝士先對摺成長方形, 再切成粒狀

4) 打雞蛋備用.

5) 將蝦膠從雪櫃拎出. 用手 / 匙更, 將蝦膠碌成波狀, 用手指輕力壓一個小洞, 將芝士釀入去, 再補返個口, 碌返佢成一個波波狀. 將有芝士既蝦波波沾上蛋液, 再放係一隻好多麵包糠既碟上. 將麵包糠沾上成個波波, 最後可以輕壓一下個波波, 等佢可以變成個餅狀 (唔壓都得架). 完成之後放上一個沾有小小麵包糠碟, 備用.

6) 落油, 等油滾起 (油要夠蓋過D蝦餅) 油滾之後將蝦餅逐一放落. 此時可以轉細火. 大約30秒可以將蝦餅轉一轉身, 見到蝦餅轉成金黃色就差唔多OK, 通常大約炸2-3分鐘都熟架勒, 當然, 要睇住個蝦餅有冇"炸loan"啦, 見佢轉左金黃色, 再炸多一陣就OK.

7) 將炸好既蝦餅放上吸油紙吸油. 完成~