【24道風味】狂歎暑期限定雪糕杯

暑假即將開始，迎接繽紛暑期的除了大堆玩樂行程，當然不少得滿足口腹之慾！全港首間「維記牛奶Pop Up Store──Pop into Chill」於今個夏天登陸中環，有齊維記全線經典冰凍奶製品，消暑一流！更加推出超過20款全新口味雪糕，期間限定！當中有甚麼必試口味？就讓小編為你推介！
 

Pop Up Store內雪糕杯總共24種口味，其中22種是此店限定的全新推出味道，官方首推「Premium Specials」系列的「鐵觀音」和「玫瑰鹽焦糖」。小編試味後認為「玫瑰鹽焦糖」味道未夠突出，反而推介其他口味！
 
茶香之選：「鐵觀音」和「奶茶」
如果太多牛奶味，鐵觀音味冇掟企？非也，今次有茶香又有奶味，夾得好！
真味之選：「紫薯」和「開心果」
搶手口味絕對必試，個人認為比“D”字頭雪糕更勝一籌，因為味道夠真夠似！
清淡之選：「柚子」和「菠蘿」
果味不以酸甜醒胃作招徠，反而清淡refresh，較適合夏天熱到口淡淡的朋友
驚喜之選：「特級雲呢拿」和「朱古力至尊」
這兩種味絕對是平凡到無朋友，不過一試之下竟驚見雲呢拿籽及朱古力粒，頓時高檔一級！
 
有選擇困難症？不用擔心，Pop Up Store有試食服務，任你試到夠才買也可以！全部24種口味有：
「Premium Specials」系列（$20/杯）：鐵觀音、玫瑰鹽焦糖、奶茶、紫薯、開心果、特級雲呢拿、柚子、菠蘿
「Favourite Flavours」系列（$15/杯）：朱古力至尊、椰子、荔枝、士多啤梨、咖啡、豆腐、紅豆、芝麻、芒果、綠茶、香芋、由奇忌廉、雲呢拿、薄荷朱古力、榴槤（舊）、阿華田（舊）
 
Pop Up Store詳細地點： [按 <左右> 箭咀瀏覽下一頁]
 

除了雪糕杯，還有家庭桶裝雪糕、各式雪米糍、甜筒、牛奶及乳酪飲品售賣，可以搬走整個維記回家。Chill夠後毋忘打返個靚卡，出入口位有大大樽牛奶擺設，絕對是一流打卡位！
 
地址：中環威靈頓街33號地下
日期：即日至8月31日
營業時間：星期日至三：10:00am-08:00pm；星期四、五及六：10:00am-10:00pm
 
Text_Lam