勿亂信廣告 應付催淚煙二噁英方法懶人包
21.11.2019
香港二噁英處處，不少產品都聲稱自己有效清走催淚煙的活性成分CS（學名是鄰-氯代苯亞甲基丙二腈）（2-chlorobenzalmalononitrile）或二噁英，例如pH11.5水、中藥舒緩皂等產品。有「化學權威」之稱的香港大學化學系博士K.Kwong提醒大家，其實除了使用這些聲稱產品，市面上一些日常用品亦有相同功效！
K.Kwong指出以下產品未證實有效清除CS / 二噁英︰
‧ 空間清新機
‧ 光分解機／光觸媒機
‧ 納米口罩
‧ 保健飲品／食物
‧ 香薰／精油
‧ 中藥
那麼如何清洗走皮膚上的CS / 二噁英？個人衣物又要如何處理和清洗？
Dr K.Kwong在網上解答催淚彈常見問題，各位靚太型爸可作參考︰
Q︰如何清洗【皮膚】上的CS／二噁英？
（所謂清洗，即洗走帶有CS／二噁英嘅塵粒，以下各題類同）
K: 用水 + 番梘沖洗10-15分鐘，用最普通番梘、梘液就可以，不用酒精和BB油
Q︰如何清洗【個人衣物】上的CS／二噁英？
K: 嚴重污染 (超濃味，一索件衫就咳)：棄置
- 少量污染的衣物：
第一步︰如果見到粉末就先用黐塵紙轆
第二步︰用流水沖洗 （**勿用高壓水以免濺起受污染粒子）
第三步︰獨立用洗衣機洗 （** 勿溝其他非污染衣物，用普能洗衣粉就得）
第四步︰洗衣機空機再洗一次
- 少量污染的鞋，袋：
戴手套，濕紙巾抹表面，之後再用流水沖洗
Q: 選用邊種濕紙巾？
K: 最普通的濕紙巾，只有水份，有少少清潔劑也可以，最好無其他成份如酒精。
Q: 如何應對住所外的催淚彈？
K: 關窗，黐膠纸等，勿用明火煮食，不用擔心焗死，因為你出入開門有新鮮空氣。
Q: 如何清洗家居內 （或學校內） CS / 二噁英？
K: 開窗、戴手套、用濕紙巾抹，再用洗潔精加水抹多次。
（** 勿用吸塵機，因排氣時會將污染粒子吹到更多地方）
（** 勿用漂白水，因會出含氯有機物，更毒）
Q: 經過受催淚彈污染的地方，戴口罩有冇用？
K: 口罩有助減少吸入黏上CS / 二噁英的粒子（但隔不到氣體）都算有用。
Q: 市民家居清潔CS塵粒應用甚麼口罩？
K: 普通外科口罩已做到基本效果。
Q: 空氣清新機可以去除CS / 二噁英嗎？
K: 可以去除黏上CS / 二噁英的較大粒子，但有可能在後面噴到全屋小粒子，如好多塵，要定期適當清洗過濾網 （戴口罩），但如開窗就無必要用。
Q: 甚麼空氣清新機好？
K: 最基本類型已做到以上效果，別相信有特異功能的機，光分解機不可短期分解到二噁英，而CS會自然分解，除臭和分解甲醛外無特別用途。
Q: 催淚煙 / CS可以吹到幾遠？幾耐先散？我住XX樓會否吸到？
K: 有資料顯示可去到幾百米，但實際要視乎風向。有數據顯示如果一粒正常大細的催淚彈爆開，50米外15-30分鐘就會沒有CS效果（因為已經沉下，100-200米外就安全；我估計二噁英都係咁上下)。但全世界只有香港放這麼多催淚彈，人口又密集，所以影響必定比外國數據更大。然而香港現亦無數據，只能靠估。
Q：HCN山埃氣呢？好毒喎
K: HCN真係好毒，但比空氣輕，在家中或者行過戰區亦不容易中到。但太多HCN代表CS分解程度高，產生其他有毒物質如二噁英、PCB、PCT亦較高。
Q: 雨水能否沖走街上CS / 二噁英？
K: 可以，會沖去海，不是水塘。
Q: 雨水沖走CS / 二噁英，會否污染食水？
K: 入污水渠落海，不會污染食水。
Q: 雨水沖走CS / 二噁英落海，食魚有沒有問題？
K: 會有Dilutional effect （即溝稀咗），CS / 二噁英到海的劑量不大，若非日日食同一個來源的魚，估計影響不大。
Q: 懷疑受催淚彈影響的生果，食唔食得？
K: 厚皮生果（如西瓜，蜜瓜）用流水清洗，我會食；連皮食或大表面面積的生果 （如士多啤梨，藍莓）就不宜食用。
Q: 二噁英在四周飄浮或沉落地面？
K: 黐落塵粒或任何固體／液體，塵粒最後沉落地面或物件表面，最少10年才分解一半。
Q: 燒膠會否出二噁英？
K: 要有氯的塑膠如PVC造的塑膠才會燒出二噁英！【可參考原篇解釋】
Q: 吸入催淚彈可唔可以餵人奶？
徒弟Winnie Chan代答: 衛生署建議兩個小時內避免餵人奶。二噁英屬油溶性，會積聚在人體內油脂細胞，包括母乳，但正路未快入到奶。因未有這種實驗確實知道吸幾多就可以餵或停止餵哺。不過有一點可以肯定：如果自己皮膚有CS微塵，餵奶時有機會被BB吸入！
Q: 催淚彈令經血變黑色怎算？
醫生代答: 如只是經血顏色異常，無其他病徵 （如經期日子唔啱，非經期日子出血，或其他系統症狀）醫生問清楚病歷和做檢查後，應該都無其他可以做到。私家診症的話，可以自費照超聲波確保結構上無問題，但如果排公立有機會要排一兩年才第一次見醫生，照超聲波或要再排，短期內未能有用。
以上資料來源︰K.Kwong Facebook
另外，想遠離CS ／二噁英的重災區，有熱心網民製作出
「香港催淚彈」地圖，可追蹤過往香港不同地區曾施放催淚彈的地區，讓大家避開受污染的重災區。
Text_Clara
>> 讚好家庭生活易Facebook專頁，睇勻產前產後/親子食玩樂最新資訊！
7384 次觀看
