做好子女情緒管理員-嚴守4個No
26.05.2017
身兼「子女情緒管理員」嘅各位家長,當子女展現負面情緒時,點樣可以做好疏導者嘅角色呢?咁就要謹記唔好犯以下4個小毛病喇!
1. No自己都負面!
子女情緒不穩嘅時間,都可能係你情緒不好嘅時候。你就要提醒自己保持冷靜,調返啱正確思想同態度,唔好令大家嘅負面情緒加劇。
2. No否定情緒!
情緒無分對錯,你要提防唔好喺無意中否定仔女嘅情緒。舉個例子,假如子女因好朋友轉校而唔開心,而你安慰佢時講:「唔駛傷心啦,你仲有其他同學嘛。」咁子女嘅唔關心就可能喺無意間被你否定同漠視。
3. No忽視情緒宣洩!
喊係好多人常用嘅宣洩情緒方法,但你唔准子女喊,佢哋可能會慢慢驚表達負面情緒,埋下損害精神健康嘅伏線。
4. No被動!
子女未必善於表達感受,或受情緒影響唔想講嘢。你有時要主動出擊,誘導佢哋講出心底話。
感謝Learnlex 授權轉載內容
3734 次觀看