成長零壓力 培養子女「輸得起」精神
21.02.2019
仔女擁有爭勝心,無疑能夠推動佢哋勇往直前;但「想贏」背後,佢哋又係咪「輸得起」?仔女學識面對失敗,擁有「輸得起」精神,能夠培養出毅力同抗逆力,即使將來遇到逆境、挑戰,都有能力面對。今日,一齊幫仔女「輸得起」。
1. 俾仔女輸吧!
要仔女明白失敗,最直接莫過於俾佢哋親身感受。家長放手俾仔女處理生活中不同挑戰,失敗咗亦無需要即刻同佢哋講「勝敗乃兵家常事」、「玩吓啫」等等,可以先同仔女一齊感受結果,俾佢哋抒發感受,再喺適當時候先慢慢話俾佢哋知,「輸得起」比「點樣贏」更重要。
要仔女明白失敗,最直接莫過於俾佢哋親身感受。家長放手俾仔女處理生活中不同挑戰,失敗咗亦無需要即刻同佢哋講「勝敗乃兵家常事」、「玩吓啫」等等,可以先同仔女一齊感受結果,俾佢哋抒發感受,再喺適當時候先慢慢話俾佢哋知,「輸得起」比「點樣贏」更重要。
2. 反思成敗嘅意義
仔女怕失敗或「輸唔起」,除咗因為失敗嘅感覺難受外,可能都因為佢哋未真正了解成功同失敗嘅意義,或誤解成「贏就係成功,輸就係失敗」。家長可以同佢哋一齊反思成敗嘅意義,例如可以奧運運動員做例子:唔少運動員都拎唔到獎牌,但咁樣絕不代表佢哋係失敗者,而且仲可能幫佢哋喺未來取得成功。
仔女怕失敗或「輸唔起」,除咗因為失敗嘅感覺難受外,可能都因為佢哋未真正了解成功同失敗嘅意義,或誤解成「贏就係成功,輸就係失敗」。家長可以同佢哋一齊反思成敗嘅意義,例如可以奧運運動員做例子:唔少運動員都拎唔到獎牌,但咁樣絕不代表佢哋係失敗者,而且仲可能幫佢哋喺未來取得成功。
3. 給予「輸得起」嘅熱情同勇氣
邱吉爾講過:「經歷不斷失敗仍能保持熱情就能成功。」家長嘅鼓勵同支持,可以俾仔女勇氣同熱情去面對失敗。家長仲可以多啲分享自己嘅失敗經驗同解決問題方法,俾佢哋知道失敗唔係一件可怕嘅事,而係通向成功嘅一個階段。
邱吉爾講過:「經歷不斷失敗仍能保持熱情就能成功。」家長嘅鼓勵同支持,可以俾仔女勇氣同熱情去面對失敗。家長仲可以多啲分享自己嘅失敗經驗同解決問題方法,俾佢哋知道失敗唔係一件可怕嘅事,而係通向成功嘅一個階段。
4. 提升仔女創造力
創造力同「輸得起」有咩關係?仔女擁有創造力,即使遇上失敗,都有能力將失敗嘅經驗同創意融合,搵出新方法嚟面對失敗,同埋再接再勵。「失敗 + 創意 = 成功」嘅例子有好多,我們常用嘅便條紙就係其中之一。生產商原本想請科學家發明一種可以用喺飛機嘅超級黏合劑,可惜失敗咗。但科學家們無放棄,嘗試將失敗嘅黏合劑應用到唔同地方,最終同便條紙「一黏即合」,製成一種暢銷嘅文儀用品。
感謝Learnlex 授權轉載內容
創造力同「輸得起」有咩關係?仔女擁有創造力,即使遇上失敗,都有能力將失敗嘅經驗同創意融合,搵出新方法嚟面對失敗,同埋再接再勵。「失敗 + 創意 = 成功」嘅例子有好多,我們常用嘅便條紙就係其中之一。生產商原本想請科學家發明一種可以用喺飛機嘅超級黏合劑,可惜失敗咗。但科學家們無放棄,嘗試將失敗嘅黏合劑應用到唔同地方,最終同便條紙「一黏即合」,製成一種暢銷嘅文儀用品。
感謝Learnlex 授權轉載內容
8667 次觀看