旋風忍者襲港！LEGO展必買+玩樂推介

旋風忍者為民除害！唔使用劍嘅，用LEGO就得喇！《LEGO旋風忍者大電影》即將上映，由即日至9月17日，MOKO新世紀廣場設下旋風忍者主題展覽及POP-UP STORE，小朋友可以免費玩 LEGO，以及選購最新LEGO玩具。

多款《LEGO旋風忍者大電影》主題新品經已上市。LEGO建築師利用LEGO新品，製作電影主題大型場景。每款新品組裝後，亦會獨立展出俾你慢慢欣賞。

推介新品1：命運賞金號(售價$1599.9)

旋風忍者流動訓練基地，夠晒大盒同霸氣，當然唔少得豐富嘅穩藏機關，好似起居室、訓練場，連廁所都有呀！梗係買盒一家大細一齊砌。

推介新品2：綠忍機械巨龍(售價$459.9)

巨龍關節多，靈活度同堅固度兼備，隨意擺出氣勢動作，好睇又好玩。
 

推介新品3：雷電噴射機(售價$549.9)

充滿機械感嘅噴射機，附送小型載具同多款LEGO人仔，可玩性大增。

MOKO VIP喺POP-UP STORE任何單一消費，就可以免費換領旋風忍者系列LEGO人仔，限量300件。
 
此外，凡喺POP-UP STORE消費滿指定金額，可免費換領指定迷你LEGO。

活動期間，小朋友可以參加3個LEGO拼砌大挑戰。限時內喺無數LEGO散件中，搵到合適嘅積木砌好忍者刀、忍者飛鏢或迷你綠忍機械巨龍。成功挑戰，小朋友可獲贈旋風忍者頭帶、紀念貼紙及LEGO證書1張。

參加方法：
星期一至四：免費入場，名額有限，先到先得。
星期五至日：場內以電子貨幣消費滿$100或MOKO VIP 100分即可參加
每節限12人，限時30分鐘

《LEGO旋風忍者大電影》一眾主要角色，化身巨型LEGO人偶同fans合照，焦點係1.75米高、用約2萬粒LEGO砌成嘅大反派「衰神伽瑪當」(後)。

睇咗咁多LEGO新品，係咪好想睇《LEGO旋風忍者大電影》？由9月2日起憑MOKO VIP 5000分可換領《LEGO旋風忍者大電影》(9月28日上映)換票證2張，先到先得。

MOKO新世紀廣場 X 《LEGO旋風忍者大電影》‧忍之修行陣
日期：即日至2017年9月17日
時間：12nn-10pm(星期一至五)、11am-10pm(星期六、日及公眾假期)
地點：MOKO新世紀廣場MTR樓層中庭(港鐵旺角東站D出口)