脊醫教路 幫寶寶揀部護脊BB車

爸媽為寶寶預備「座駕」，除咗想寶寶瞓得舒服，仲有好多細節要留意。如果選擇不當，不但令小寶寶唔舒服，甚至影響脊骨成長！接下來等「香港執業脊醫協會委員」朱珏欣脊骨神經科醫生(下稱Dr. Chu)，分享挑選護脊BB車貼士。

貼士1‧靈活調校背板

Dr. Chu指出，嬰兒脊骨呈「C」字型，而且頸背肌肉尚未完全發展，嬰兒唔可以靠自己嘅力量支撐脊骨同身體，所以過於柔軟嘅背板，未必適合初生嬰兒。護脊BB車除咗背板承托力強，承托寶寶髖關節嘅座位底部，都需要採用堅實設計，咁樣先可以完全承托初生BB整個身體。

貼士2‧良好避震功能

外出使用BB車，經過凹凸不平嘅路面時，持續震盪會增加寶寶頸椎同脊骨負擔，甚至演變為創傷。具備良好避震功能嘅BB車，有助減低寶寶所受嘅震盪，保護脊骨同頸椎健康。配合5點式安全帶，更有效保護寶寶，避免從BB車滑落而受傷。

此外，Dr. Chu提醒爸媽要細心觀察寶寶動作，從而斷定寶寶脊椎健康。例如寶寶瞓覺、食奶時，有無習慣將頭側埋一邊，並抗拒將頭轉向另外一側。咁表示寶寶頸背兩邊肌肉發展唔平衡，限制頭部同身體動作。

Dr. Chu強調，爸媽要從小確保寶寶脊骨健康發展，否則形成脊柱側彎、扁平足等問題，錯過發育時期處理，帶著脊骨問題成長就好難改善，因此嬰兒床同BB車設計，係影響寶寶脊骨健康嘅重要因素。

睇完Dr. Chu分享，相信爸媽挑選BB車時，都會著重保護脊椎嘅重要性。Origo BUBBLE羽量級三摺式初生用嬰兒車，適合0至4歲兒童使用，可調節嘅斜倚可達170度，並配備獨立避震車輪，全面貼合同保護寶寶脊椎。

Origo BUBBLE羽量級三摺式初生用嬰兒車備有4種顏色以供選擇，重量只係4.7kg，更有儲物袋同手攜肩帶，方便父母帶住BB車四圍去。

售價：HK$2,388

更多產品資訊

特約資訊