「靚太Club五周年開心大派對」活動花絮

一直陪伴著各位會員成長，分擔大家育兒路上樂與怒嘅靚太Club今年5歲啦！
早前家庭生活易就邀請咗一班靚媽帶埋寶寶一齊參加「靚太Club五周年開心大派對」。不單止活動精彩，仲有豐富禮物，依家就帶大家睇下當日有幾好玩！

1/8頁
 

今次活動好開心有PizzaExpress提供場地及大人小朋友都適合嘅派對美食。
睇下寶寶食得幾滋味！

2/8頁
 

生日會又點少得生日蛋糕呢？
PizzaExpress特別為靚太Club準備咗一個好吸睛嘅麵包塔。
一出場，所有寶寶都比佢吸引住呀！

3/8頁
 

家庭生活易仲邀請到「正向家長學院」導師－辰民爸爸Ringle向各位靚媽分享育兒5步曲，教大家如何保持正面樂觀嘅親子關係。唔少媽媽都耳猶未盡繼續追問Ringle育兒貼士。

4/8頁
 

又到咗小朋友最愛嘅遊戲環節啦！
除左問答遊戲比大家熱熱身外，更有生日會必備嘅「收買佬」遊戲。
小朋友眨下眼就贏走晒啲禮物嚕！

5/8頁
 

在場每位寶寶都可以獲得由Goldteeth Mama 金牙媽媽為大家繪畫嘅似顏繪一幅，同得意卡通公仔氣球一個。小朋友更可以趁機會向來自社企的氣球師學習手語道謝添！

6/8頁
 

每位出席嘅靚媽可獲靚太Club送贈豐富禮品包之外，現場更有機會獲得一系列豐富禮品。當中包括終極大賞－德國Emma記憶綿床褥！恭喜晒所有得獎媽媽！

7/8頁
 

「靚太Club五周年開心大派對」可以圓滿舉行，有賴大家五年來對靚太Club嘅支持。冀望未來會有更多靚太加入我地大家庭，繼續寫好blog，留多啲腳印。下次係家庭生活易嘅活動中再見！

Text_Cathy

8/8頁