【冰火挑戰】免費闖冰屋、喪玩《VS嵐》遊戲！

炎炎夏日，最想感受冰極涼快！樂富廣場今個夏日舉辦「動感冰夏Summer Freeze」，為大家帶來最冰感刺激的4大玩意，全部免費參與！無論甜蜜兩口子、一家大細、老友成班，都能投入勁玩，齊齊抵抗熱浪侵襲！
 

【零下20度】熱感速速降
 
難頂30度熱力？就要走進「冰極Cool’gloo體驗」過冷河！冰屋內溫度低至零下20度，尤如極地氣候！最多限6人進入，每次感受5分鐘。場地還提供大褸及披肩免費借用，怕冷又想玩的朋友不用擔心了。
 

【6米滑梯】瀡出八號風力
 
冰屋旁的「八號風球滑梯」絕對是小朋友至愛玩意，特別在於滑梯裝有強力風機，瀡滑梯同時感受八號狂風威力！瀡到落底還有大量巨型海綿球及企鵝毛公仔，小朋友一定樂而忘返，家長們記得睇實子女，避免撞倒。

 

【挑戰VS嵐】組隊玩滾球遊戲
 
綜藝節目中的遊戲好看又好玩，手痕想自己去挑戰？今次有機會！前提是先行組隊，6人一隊，2分鐘任玩，同心合力將冰球運送到目的地贏取分數！逢星期五、六、日期間，更會每2小時會選出最高分的一隊，送上神秘獎品！

 

【冰封三尺】最佳打卡勝地
 
任誰都不想被冰封，但來到「冰山一角」，就必定要站在半透明冰山後面，扮做「冰山美人」影相呃LIKE！
 

【消費著數】終極冰爽通行無阻
 
4大設施完全免費，可以想像假日實會大排長龍，不過商場推出三種冰極通行證，只要消費就能加速通行！
 
星期一至四：
消費滿$200，可換領「冰屋入場券」，2人同行優先進入冰屋。
星期五、六、日：
消費滿$300，可免費參加「雪之戀人工作坊」，製作浪漫雪景玻璃瓶。
消費滿$400，可換領「二人冰極通行證」，2人優先進入冰屋之餘，更可獲贈2杯「冰極飲品」或2份「冰感首飾」。
消費滿$500，可換領「二人冰極通行證」，3人優先進入冰屋之餘，更可獲贈3杯「冰極飲品」或3份「冰感首飾」。
 
領展樂富廣場：動感冰夏Summer Freeze
日期：2018年7月12日(星期四)至8月19日 (星期日)
開放時間：下午12時至8時
通行證換領地點：領展樂富廣場A區美食坊換領區