打造愛巢都中伏？買樓4大嘈交位

築愛巢又點止考慮樓價、樓盤？係咪要買、買邊度，分分鐘影響同屋企人關係！
買樓前，呢4件事一定要考慮周到！

Text/Fanny

1.    選址煩惱
好多新人考慮樓盤時都會根據家人住址作考慮，梗係想住得愈近愈好，方便照應及回家食飯。但假如男女家一個住港島，一個住新界，揀地區就已經有排煩。
 

2.    誰有鎖匙控制權？
鎖匙都係一個"key" point! 好多新娘子都心大心細係咪要俾條條匙奶奶，說穿了就怕無私隱，奶奶不通氣隨時走上門阻住二人世界。

3.    「買樓靠父幹」會出事
唔少父母希望幫仔女成家立室，都願意代俾首期或借錢。聽落好似好幸福，但如果家中仲有兄弟姊妹，又對錢銀敏感，知道父母幫你唔幫自己，好可能因此反面！

4.    揀樓準則有分歧
俗語話相見好，同住難，其實分分鐘住之前已經出事。你可能未雨綢繆，為仔女前途，想揀個名校網；另一半就要求遠離煩囂搵個靚盤，大家揀樓準則唔同，磨合時間愈長，愈易有爭執。