沙煲仔 -- 粟米墨魚滑

1) 首先要好俾心機咁將粟米一粒粒咁"meat"出黎... 我好似見過有其他工具幫忙, 但係總之盡量係粒粟米出左黎啲汁都仲係入邊, 要原粒... (因為我鐘意食原粒新鮮粟米, 所以哩方便我特別有心機, 有耐性..) 

2) 買左既$20墨魚滑, 會有塊膠片既? 利用塊膠片將粟米貼上墨魚滑到....  

3) 將成團野放入non stick, 中火.. 用鏟將佢禁扁... 煎一面, 見佢有啲色水, 就反轉煎另一面.. 

4) 當兩次都有啲色水, 可以試下用鏟將團野分開細塊啲, 

5) 哩個時間, 可以係側邊開火, 放個沙煲仔 / Le Creuset 14-18 都可以... 我個LC 未開張... 用住媽媽個沙煲仔先啦... 放小小油, (想加小小蒜粒都得) ...

6) 熱左個沙煲仔就將啲煎到半熟既墨魚滑放入去, 將第一個半碗加入, 蓋上根住等...  (今日, 係哩個時間, 我就係返隻non stick 炒埋碟菜... )

7) 等大約 5 分鐘, 應該都OK, 可以試下墨魚滑如果已經熟既話, 就加埋第二個半碗 .... stirl 下, 等1-2 分鐘應該會滾返.. 

8) 最後加返啲蔥粒上面會靚返少少... 

哩個餸真係超簡單... 又平又好味!!!! 有菜又有海鮮tim!!
其實真係一味就夠送飯... 哩個份量, 夠我兩個人食完, 我仲有得pack lunch!!

仲可以有變化~如果時間多少少, 可以買多幾蚊豆卜, 剪開, 孃啲粟米墨魚滑上去再煮... 
哩個我下次再詳細解釋...