糖醋豬手 by maylo | 靚太食譜天書

簡介

我好多朋友都很喜歡食豬手，大部份人試過這道豬手都會好難忘，
所以這道糖醋豬手已成為我餐桌上的請客必選。
其實我無什麼創意，第一次煮這豬手的原因，是因為我

材料

急涷豬手 12至14件

(***強烈建議用急涷的，因長時間急涷會令食物纖維改變，會比較容易入味同變軟，相對減少炆的時間，環保好多好多，如果仍然想用新鮮豬手，請注意加長烹調時間)

薑一片

蔥一棵

紹酒 3.5湯匙、

生抽 3湯匙。

砂糖 4湯匙。

鎮江醋 6湯匙。

冰糖 1小塊湯匙

做法

1.將豬手排放於22cm深鍋內，加入薑，蔥，紹酒兩湯匙，再加清水蓋過豬手，

用中火出水20分鐘，要將豬骨內的血水迫出來，然後用清水逐件沖好。

2.將豬手的豬皮向上再排於22cm深鍋內，(**一個22CM鍋大約可以排到12至14件)，

加入紹酒 1.5湯匙、生抽 3湯匙。砂糖 4湯匙。鎮江醋 6湯匙。冰糖 1小塊

用水蓋過豬手大約1cm，以大火煮滾，較中小火力炆1小時，

3. 一小時後，再檢視收水情況，及返轉豬手使豬皮向下，如果仍餘下一半以上水份，

就需較中火炆半小時再較細火，相反收水太快就要加小小熱水再炆!

4. 再45分鐘應該會餘下煲底約半cm糖醋汁，可以將豬手兜均，令整件豬手沾滿汁液，

但這糖醋汁加上豬手的膠質會變得黏性好強，所以要小心會燶底!

當汁液差不多沾滿豬手就可以熄火，( **不要待完全收水先熄火呀!)

小貼士

上碟後最好趁熱享用，就會食到一件又軟又滑又入口溶化的糖醋豬手啊!
不過想更入味更軟，可以早一晚燉1小時45分鐘，餘下15分鐘留待第二更食之前再炆就會更好味!