教出生性孩子，吳君如只需一個秘技

對觀眾來說，吳君如永遠是個不拘小節的大笑姑婆，原來螢幕背後的她，是位非常著重身教的母親，教得囡囡陳是知生生性性，年紀小小已想跟隨媽媽做義工。
 
圖片來源：吳君如微博

做義工的感動
受訪當日，君如以榮譽大使的身份出席「奧比斯眼科飛行醫院感謝行」的開幕禮，原來她已擔任奧比斯義工七年，曾多次隨義工團隊走訪過蒙古、印度、越南和甘肅等地：「真係咩風浪都見過，落後、排華咩都有，但親眼見到小朋友做完手術之後重見光明，真係好感動，覺得好值得，想佢（女兒）都感受下嗰份喜悅！」
 
圖片來源：香港奧比斯Facebook

母女一齊出動
「我相信自己做嘅嘢，個女唔多唔少都會學到啲啩！」君如笑著說出心中願望，希望女兒能和自己一樣，有一顆熱心助人的心。問到會否帶囡囡一起做義工，她欣慰地表示：「啱啱做（奧比斯）義工嘅時候，佢得3歲，依家佢10歲，夠大照顧自己喇，可以帶埋佢去，每次做完義工俾佢睇相，佢都好興奮，想跟埋我去，我問佢怕唔怕辛苦，佢話唔怕喎，咁我下次帶埋佢去啦，哈哈。」
 
圖片來源：香港奧比斯Facebook

「我老懷安慰！」
提起集醫學與航空科技於一身的眼科飛機醫院，君如難掩興奮：「飛機上面可以做手術，真係好先進！我有問（女兒）想唔想嚟參觀，佢想嚟㗎，我話咁請假一天啦，引誘佢逃學，不過佢唔制，因為佢好鍾意返學，同埋有個朗誦比賽練咗好耐，真係冇辦法嚟，證明佢大個女，知道返學重要，我都老懷安慰。」

圖片來源：吳君如Facebook

羨煞旁人的母女情
君如早前接受傳媒訪問，曾表示希望女兒心懷夢想，而身為母親的她將全力支持囡囡，而囡囡也感受到媽媽的愛，從來不問「do you love me」，反而對君如說：「如果有一天我感覺到你不愛我，我就會問你的！」兩母女深厚的感情顯而易見。
 
圖片來源：吳君如Facebook

羨煞旁人的母女情
君如早前接受傳媒訪問，曾表示希望女兒心懷夢想，而身為母親的她將全力支持囡囡，而囡囡也感受到媽媽的愛，從來不問「do you love me」，反而對君如說：「如果有一天我感覺到你不愛我，我就會問你的！」兩母女深厚的感情顯而易見。
 
圖片來源：吳君如Facebook