有個新手一個月嘅媽媽朋友覺得自己唔夠奶奶俾BB飲，話說上星期，BB每兩個鐘頭就扭食奶一次，即使食好多餐，都好似唔夠咁，補幾多安奶佢都食得晒，依然好似唔夠咁，媽咪就完全唔覺得有漲奶嘅感覺，手搾係有奶出，但奶柱唔多，得滴滴仔咁。
去探佢嗰時見到BB真係好肯啜呀，無論姿勢同埋BB個嘴仔都做得十分好，以食人奶黎講，理應係冇分時間地「feed on demand」，佢想食就俾佢食，去幫助BB渡過突然出現嘅猛長期，同埋可以令媽咪乳房愈啜愈多奶。
但原來要產生足夠奶水，都好取決於媽咪吸收嘅水份同營養夠唔夠，俾我發現媽媽原來飲好少水，當日立即鼓勵佢飲水，餵前一大杯，餵緊一大杯，餵後都一大杯水份，最好就飲炒米茶。
我媽咪係陪月員，佢教我整炒米茶最好就炒到啲米金黃色，加水再煲最少半個鐘，煲到尾段加埋通草同王不留行。
同時我發現呢位媽媽朋友唔注重飲食，早餐食個面包就算，加埋飲好少水，所以我發現佢啲奶好稀，我建議佢飲super drink：
首推黑芝麻黑豆à補腎氣
+山藥薏仁>>>溫補脾胃
+大豆卵磷脂>>>暢通乳腺
+/-核桃>>>良好脂質
可以喺早餐時飲一杯，或者下午茶飲一杯。的確，現世代注重體態美，營養師建議餵人奶每日只係汲取多500卡路里，我覺得嗰500kcal放喺呢杯飲品度就好值得喇！
果然，經過狂飲水之後，呢位媽媽當晚就已經泵多左一安奶喇！可見水份對於餵人奶嘅威力呀！
感謝港式執媽授權分享內容。
更多產科知識，即上「港式執媽」專頁：https://www.facebook.com/pg/hkmidwife
更多精彩內容：【特集】母乳媽媽加油站
