暑期親子活動推介2022｜親子日營+南區歷險｜海洋公園辦一系列南區活動 親子遊推薦!
08.06.2022
夏日熱焫焫～熱焫焫～雖然好熱，但都唔好成日留喺屋企啦！想計劃下親子活動令假日冇咁悶？可以考慮下海洋公園搞嘅一系列南區夏日活動，好適合一家大細一齊享受family day，拉近距離。
南區親子活動推介2022｜1. 全新視角探索南區
一講到「南區」大家會諗到啲咩？可能因為遙遠距離而感到陌生，唔熟悉。今次就有兩日一夜旅程俾大家欣賞同感受下你眼中的南區。大家可以搭乘有「海上的士」之稱的舢舨暢遊香港仔避風塘遊船河，了解水上人的起居飲食同文化。
同時仲有機會同自然生態和動植物接觸多啲，感受純天然資源。
「自然全體驗—南區森海遊」
日期︰2022年7月1日至10月30日
對象：6歲或以上（未滿18歲之參加者必須由付費家長或監護人陪同參加。每名合資格付費家長或監護人可陪同最多兩名6歲至11歲的參加者）
時間：下午2時45分至翌日上午10時15分(兩日一夜)
名額：四人一組，每節最多八組，合共32人 地點：海洋公園、香港仔避風塘、香港仔郊野公園及鄰近地點
費用(四人)：正價︰港幣$6300；早鳥優惠︰港幣$5670
報名日期：2022年6月9日下午4時起
截止報名日期：活動日期前五天
*會提供帳蓬、睡袋及地蓆，每組（不多過四人）將獲分配一個帳蓬。另外設有淋浴設施。
南區親子活動推介2022｜2. 南丫島親子日營
想感受同欣賞香港南岸特色？家長可以帶同小朋友參加野外親子日營，體驗下同平常豐衣足食唔同嘅生活，遠離電子科技，認識唔同文化，小編覺得係好值得嘅體驗。
參加者可以同村民學跳「WE WA舞」熱身，再用原材料自製竹筏生火，以及學習利用地圖及指南針於野外尋寶。
「威威村莊——野外親子日營」
日期：2022年6月18日至8月21日（逢星期六和星期日）
對象：8歲或以上（未滿18歲之參加者必須由付費家長或監護人陪同參加）
時間：下午12時45分至8時30分
名額：每組四人，每節最多十組
地點：香港基督教青年會南丫島戶外活動中心
費用：港幣$3000（包括晚餐及來回營地的乘船費用）
報名日期：2022年6月1日下午4時起
截止報名日期：活動日期前七天
南區親子活動推介2022｜3.「小村民‧大舞台」
小朋友仲有得試玩魔術，感受魔術世界。通過從大自然同日常生活中自行尋找素材﹐練習魔術技巧﹐仲有機會參與壓軸表演，向家長及觀眾們一展習得嘅魔法。
「小村民‧大舞台」
日期：2022年6月8日至7月2日（逢星期三﹅四﹅五或星期六）(每周一節，合共四節活動)
對象：5至8歲
形式：兩節Zoom網上視像學習、兩節園內活動，每節60分鐘
名額：每班20人
地點：視像網課、海洋公園
費用：港幣$1500（包括四節活動費用，以及參加者於第四節活動日的留園費和適用於第四節活動日的兩張成人入場門票）
報名日期：2022年5月19日下午4時起
截止報名日期：第一節活動日期前五天
南區親子活動推介2022｜4. 參加歷險 發掘大自然的驚喜
覺得冇咩刺激活動？可以試下玩「探險」遊戲。小朋友可以通過角色扮演成建築師、考古學家等身份，親身接觸同觀察自然生態，認識唔同動物的生活環境、獨特習性和身體特徵。
刺激位在於小朋友會同與其他隊員合作進行小組挑戰，鍛鍊感官同思維。唔單止可以識下其他朋友仔，全程都有互動，參加活動嘅小朋友真係學到嘢的。
「海陸大遊歷 夏日歷險課程」
日期：2022年7月1日至8月31日
對象：4-5歲小朋友
時間：上午9時15分至下午12時15分（3小時）
名額：每班16人
地點：海洋公園
費用：正價︰港幣$830；早鳥優惠︰港幣$747（2022年6月28日前報名可享早鳥優惠）
*活動費用包括參加者留園費用、一張活動日成人入場贈劵及「探索號R」門票。此「探索號R」門票只適用於活動當日指定時段，供參加者由一位家長或監護人陪同進入「探索號R」。
報名日期：2022年6月15日下午4時起
截止報名日期：活動日期前三天
Text_Bess
2899 次觀看
