別做水魚！裝修基本6件事

夫妻組識二人小天地， 牽涉item又多，瓣瓣專業，自己從未搞過裝修，一切唯有交晒俾裝修師傅搞掂。話雖如此，但錢銀係自己嘅，有D裝修基本要知嘅嘢，都係要知清楚。今次由設計情報中心的設計總監Kevin教精你裝修基本6件事。

Text/Fanny

更多精彩內容：【特集】新居入伙家事百科

1.未幫襯，先出血？
部分裝修公司會收取度尺費，作為上門視察、度尺的費用，就如新娘試妝費，當你決定幫襯時，會在款項中扣除，有些窗簾及電器公司也會收取度尺費。

更多精彩內容：【特集】新居入伙家事百科

2.新舊樓之裝修費差幾多？
二手樓的裝修費一般為新落成樓宇的兩至三倍，因此Kevin話新樓定價高亦不無道理，至少水電、地板等全部ready，毋須額外洗一筆。

更多精彩內容：【特集】新居入伙家事百科

3.裝修費分「乾」「濕」
裝修費又分為濕區和乾區，前者指一切和水有關的工程如換水管、水泥等；後者為木工、傢俬訂造等。而裝修費一般貴在濕區、更換窗口、拆牆及換地板。若單位樓齡細，保養得宜，新人大可慳返筆。
 
Kevin又話，拆牆是裝修最「重皮」的環節，因為涉及電線、喉管、油漆等範圍，如budget不多，建議保留原有間隔。

更多精彩內容：【特集】新居入伙家事百科

4.單位愈大，裝修費愈貴？
未必。無論單位幾大，都有四樣必做item—風、火、水、電，有了固定開支，即使細單位裝修範圍小，都未必同裝修費成正比。
 
風：通風系統、空調
火：煤氣
水：自來水供應、水喉鋪設
電：電力供應系統、喉管、電線、電力

更多精彩內容：【特集】新居入伙家事百科

5.想點裝修就點裝？
一定唔係！有戶主為求慳得就慳，有D眼睇唔到嘅 item如水喉，就慳返唔做 。加上有D裝修師傅為了做成生意，未有仔細了解單位結構，便草草答應，當問題發生，又要額外收錢，令戶主不滿。所以，戶主唔應該過份執著要同裝修師傅有商有量，以免得不償失。

更多精彩內容：【特集】新居入伙家事百科

6.裝修時間要幾耐？
大部分裝修師傅面要3個月時間裝修；假如毋須全面翻新，時間可能縮短至兩個月。
 
資料提供：設計情報中心

更多精彩內容：【特集】新居入伙家事百科