避風塘炒蟹

1) 先將蟹洗刷乾淨, 再用刀背拍爛小小D 殼, 等食個陣易D MOK.

2) 將生粉輕輕拍係蟹身, 由其係有膏個邊, 因為如果唔拍DD 粉去走油, 一陣炒個陣D 膏會甩哂, 冇得食

3) 將拍好粉既蟹走油 (姐係輕輕炸下佢), 酒滾就落蟹, 見到轉左色之後可以再炸多陣. 未熟哂唔緊要架, 因為之後會再回鑊再炒

4) 可以用返之前走油個D 油再炒香蒜頭, 同辣椒 (用幾多就隨你, 唔食得辣既, 一隻指天椒都夠勒, 我自己就鍾意辣D, 如果唔係老公個妹唔食得辣, 我平時起碼用2到3隻)

5) 炒到你閒到香味之後, 將頭先走完油個D 蟹回鑊, 今次就寅係要炒熟為止勒, 炒到咁上下, 再落炸蒜(可以買現成一樽, 有排用, 佳寶$10 攪掂) 再COME蓋焗一焗佢, 唔洗落水架, 要夠乾身先好.... 完成~