星星秋葵炒臘腸

(1) 秋葵表皮有毛毛，仲有點吉手，我清洗時係浸鹽水，然後用牙刷刷表皮先至切開 (切星星好鬼靚 )

(2) 臘腸又係用水浸浸切切啦~

(3) 先炒臘腸，再加秋葵~ 秋葵好快熟，其實仲可以生食，所以炒兩炒已經搞掂~

我地兩公婆食呢餐飯時，真係笑爆咀.......

老公話未見過呢種野，我話未煮過呢種野~ 我話秋葵好有益，不過佢係滑潺潺架~ 我地試下.......

我地擺左入口，對望左一眼.......

老公話『下次有選擇情況下....你唔好煮呢樣』

我話『下次有選擇情況下....我唔會煮呢樣』

我地兩個都不太頂得順佢既滑潺潺呀~~~~~~~~~~~~ 不過我地都好努力盡量食