特濃蘑菇豬扒意粉

1) 煮意粉：水滾後落少少鹽再放意粉煮3-4分鐘，“擎“乾水備用。

2) 煎豬扒：用刀背拍鬆，朝早返工前醃定，煎至金黃色後裝起。

3) 炒蘑菇：罐頭倒出後先炒一炒乾身。

4) 蘑菇汁：1罐蘑菇汁加1/2罐鮮奶煮溶，加鮮奶比加水滑啲又keep得住特濃味道。

5) 意粉“擎“乾水後先落鑊用牛油兜鬆, 再將煮熱嘅蘑菇汁&蘑菇倒返落去意粉。

6) 留起少少汁，裝起意粉及豬扒後再淋返啲汁上面, 放入焗爐5分鐘, 完成！