冰菜。仿如鑽石，閃耀透亮

冰菜，相信對多少人黎講，係新野，特別少煮／少食西餐既人，包括我自己。

事實上，街市上唔常見，我去開既元朗街市，從未見過，最近在荃灣楊屋道街市相遇上，異話不說即刻買黎試下。

網上資料如下：

＞冰菜生於法國，早期源自於南非

＞街市售賣的，一定係國產貨

＞由生長於近海的地方，空氣鹽分重，土壤亦較熱和乾。

在這惡劣的環境，冰菜像仙人掌一樣發展出一套生存策略，葉子氣孔只在夜間開放，以攝取二氧化碳，避免水分過快的流失，這種光合作用，比一般植物所耗的能量多幾倍，卻成就了她高貴的外貌和身價

＞泡狀細胞的液體中含有鹽分，因此植物本身吃起來也稍有鹹味,莖葉上的“冰”就是由此分泌而來的鹽晶

＞由於其富含鈉、鉀、胡蘿蔔素等礦物質，擁有天然植物鹽和黃酮類化合物，所以營養價值較高，具有天然的保健功效

＞可以生吃、涼拌或做湯

唔止菜莖，菜葉以及全棵菜都幾乎被水晶體包裹住，我係街市見到，真係唔信佢有呢種晶體既存在，以為係水珠定結了冰什麼，拿拿聲拎起條菜摸勻佢，係乾爽的，個樣似假多過乜。

上網睇大多數人用黎整沙律，菜檔主就叫我白烚，最後我選擇蒜蓉清炒，既可以食真Ｄ菜味，又不至於淡而無味。

我嘗試寫個複雜口感出黎：

＞整體確實比一般綠色根莖菜類咸，因為莖葉上的"冰"都是鹽晶

＞菜葉口感似潺菜，味道似菠菜

＞菜莖超爽口，同菜葉滑潺潺既口感有強烈對比

＞總結：過癮，要encore（如再遇上）

資料補充：

呢度咁少，已經係半斤，唔清楚我有無比人呃。

售價：半斤$15，相同斤兩但比其他菜類貴一半左右