LC主理 "咖喱薯仔炆雞翼"

1. 將所有材料洗淨，切好，備用。薯仔浸水約10分鐘。

2. 雞翼解凍，洗淨，瀝乾，加入醃料醃約20分鐘或以上。

3. 燒熱鑊，將薯仔炸香或爆香，盛起，備用。

4. 將雞翼兩面煎至金黃，盛起，下油加入蒜片、薑片及辣椒粒爆香。

5. 雞翼及薯仔回鑊(我用LC‧花花煲)，加入甘筍及蠔油兜炒一會。

6. 下咖喱粉1-2茶匙兜勻(唔夠味再落)，下清雞湯蓋過所有材料。

7. 轉小火炆煮約15-18分鐘(間中兜炒一會，雞湯易入味可減少炆煮時間)。

8. 熄火，焗約10分鐘至薯仔軟腍；以小火加熱，加入椰漿65毫升拌勻。

9. 如汁料不夠杰身，可加入粟粉水打芡，原鍋上桌，伴飯或香酥餅享用。

溫馨提示：

- 添加椰漿可添椰香味，亦容易煮成濃汁，可按個人喜好增加或減少。

- 另外，加點粟粉水打茨可令咖喱更濃稠杰身，亦可加入麵粉。

- 薯仔浸水的好處就是令薯仔切開後不易變黑，保持顏色不變。

- 薯仔先落油鑊煎炸，既可保持形狀，也可避免炆煮後散爛。

- 愛吃辣的可增加咖喱粉份量及或加入辣椒油。

- LC鑄鐵鍋具較為鎖水，故使用其他鍋具時，水的份量應要加多一點。

歡迎遊覽 "小高廚房" の 蜜蜜煮 添煮意

♥♥ FACEBOOK專頁 ♥  http://www.facebook.com/siugokitchen