甘筍洋蔥牛仔骨炊飯 by coolcyn

簡介

某日到友人家中午聚, 她煮了個既有菜, 有飯, 又有肉的炊飯.呢個飯我覺得最適合, 在平日加班晏回家. 又唔想出街食. 煮呢個飯來吃.

材料

材料 : 洋蔥 / 甘荀 / 牛仔骨 / 白米 2米量杯

調味料 : 黑椒粉, 豉油, 食油

做法

1. 白米用水浸1小時備用. (我用了白米和糙米各1米量杯)

2. 甘筍刨絲, 洋蔥切絲, 牛仔骨洗淨切開用黑胡椒粉, 食油, 豉油醃15分鐘備用.

3. 燒熱油鍋, 先炒軟洋蔥, 然後再炒軟甘筍.

4. 直至甘筍, 洋蔥汁跑出.

5. 將牛仔骨放在甘筍絲, 洋蔥絲上, 如果喜歡飯有香料味道, 就在牛仔骨上放薑黃及小茴香.

6. 若不喜歡飯有香料味, 便在此時把已浸好的白米放在牛仔骨上, 加清水至水剛蓋過白米. 冚蓋大火煮至水滾, 轉細火煮20分鐘. 然後熄火焗5分鐘便可出鍋.

小貼士

1. 洋蔥, 甘筍, 牛仔骨的分量, 可按個人喜好加減.
2. 除牛仔骨外, 可用其他喜歡的材料.
3. 白米用水浸, 可減省烹煮的時間.