自家製芝士辣肉腸PIZZA

1. 先將 糖+乾酵母 混入溫水中 發酵 (大約5-10分鐘, 要發酵至水面有少少泡才成功)

2. 預備一個大盆, 放入面粉, 盬, 之後慢慢加入已發酵既溫水 (不要一次過加, 要慢慢慢慢混好面粉)!

當開始變為面團, 可以加入油

3. 搓大約10分鐘, 把面團搓至「令」身! (如果太痴手, 可以加多少少面粉; 如果太乾, 可加入酵母水)

4. 把面團搓圓, 面團上加少少油 用保鮮紙蓋住! 耍用濕布蓋住  待發酵

(發酵時間會因應天氣而有所改變, 而我喜歡把面團放入微波爐, 但千萬不要叮!!!!!)

5. 大約1小時, 如果面團有發酵至一倍就代表發酵完成! 

6. 焗爐要預熱210度!

7. 桌上灑少少面粉, 把面團搓薄 (形狀自由發揮)

8. 搓好後 可放上焗盆上, 在PIZZA上用叉 吉幾個窿 , 防止焗個陣起泡

9. 放入210度焗爐大約12分鐘

10. PIZZA 初步已經脆身, 可於PIZZA上舖上蕃茄醬, 片裝芝士, 辣肉腸 最後碎芝士

11. 再放入焗爐, 大約10分鐘, 焗至芝士溶哂, 完成!!!!!!!!!!