超懶 的 雜菜豆肉碎字母粉 (1人份)

呢個粉有幾個方法煮, 睇下自己想幾懶, 同埋煮完之後, 即食定之後至食...........

因為我係夜晚煮嚟 FOR 第二日晏晝, 所以揀0左 A 超懶方法去煮

A 超懶方法 (唔煮湯):-
1)    先用豉油 (約兩茶匙), 糖 (約半茶匙), 油 (約半茶匙), 粟粉 (約半茶匙) 醃肉碎
2)    將煲內注入約500mL熱水, 加入字母粉同雜菜豆, 用中火煲滾, 轉細火, 煮將字母粉煮熟 (如果諗住第二朝要叮返佢的話, 可煮至八至九成熟), 熄火過冷河
3)    開鑊, 加少許油, 中火, 油熱時加入肉碎略炒, 加少許水, 轉細火, 加蓋, 焗一陣, 熄火
4)    將字母粉, 雜菜豆, 肉碎 放入食物盒內, 加入適量的麵豉湯醬 (或其他即沖湯料 (唔加水)), 拌勻, 放涼後放入雪櫃冷藏, 要食的時候加熱水叮熱, 如果係500W 微波爐, 要叮約 8 分鐘

B 超懶方法 (煮湯 & 即食):-
重覆上述 1) 至 3) 的步驟, 唯一分別在於係, 步驟3) 焗完一陣唔駛熄火, 直接加水/湯料煮湯, 例如可加半罐忌廉黃粟 或者 忌廉雞湯, 加水以中火煮滾後, 加入字母粉, 雜菜豆, 滾起後轉細火煮多大約兩至分鐘 (如果加咗蓋要小心滾瀉), 之後就可以上碗, 食得

C 超懶方法 (煮湯 但非 即食):-
重覆上述 1) 至 3) 的步驟, 分別在於係:-
A)    將字母粉, 雜菜豆 放入食物盒內, 放涼後放入雪櫃冷藏
B)    步驟3) 焗完一陣唔駛熄火, 直接加水/湯料煮湯, 例如可加半罐忌廉黃粟 或者 忌廉雞湯, 加水以中火煮滾後, 轉細火煮多大約兩分鐘 (如果加咗蓋要小心滾瀉), 之後就用一個高身的盒, 把湯 & 湯料 盛起, 放涼後放入雪櫃冷藏, 食的時候, 將湯加入 放咗字母粉, 雜菜豆的食物盒內 (或者將呢兩盒嘢, 倒入去一個可放入微波爐的碗或盒), 叮熱後就食得

D 冇咁懶的方法 (唔煮湯):-
1)    先用豉油 (約兩茶匙), 糖 (約半茶匙), 油 (約半茶匙), 粟粉 (約半茶匙) 醃肉碎
2)    煲內注入約200mL熱水, 加入雜菜豆, 用中火煲滾, 轉細火, 煮約兩分鐘, 熄火, 雜菜豆盛起備用
3)    煲內注入約500mL熱水, 加入字母粉, 用中火煲滾, 轉細火, 煮將字母粉煮熟 (如果加咗蓋要小心滾瀉) (如果諗住第二朝要叮返佢的話, 可煮至八至九成熟), 熄火過冷河
4)    開鑊, 加少許油, 中火, 油熱時 (鍾意的可先加入薑碎略炒) 加入肉碎略炒, 加入雜菜豆 同 少許水, 轉細火, 加蓋, 焗一陣, 熄火
5)    將字母粉, 雜菜豆, 肉碎 放入食物盒內, 加入適量的麵豉湯醬 (或其他即沖湯料 (唔加水)), 拌勻, 攤凍後放入雪櫃, 要食的時候加熱水叮熱, 如果係500W 微波爐, 要叮約 8 分鐘

E 冇咁懶的方法 (煮湯 & 即食):-
重覆上述 1) 至 3) 的步驟, 唯一分別在於係, 步驟4) 焗完一陣唔駛熄火, 直接加水/湯料煮湯, 例如可加半罐忌廉黃粟 或者 忌廉雞湯, 加水以中火煮滾後, 加入字母粉, 雜菜豆, 滾起後轉細火煮多大約兩至分鐘 (如果加咗蓋要小心滾瀉), 之後就可以上碗, 食得

F 超懶方法 (煮湯 但非 即食):-
重覆上述 1) 至 4) 的步驟, 分別在於:-
A)    將字母粉 放入食物盒內, 放涼後放入雪櫃冷藏
B)    步驟4) 焗完一陣唔駛熄火, 直接加水/湯料煮湯, 例如可加半罐忌廉黃粟 或者 忌廉雞湯, 加水以中火煮滾後, 轉細火煮多大約兩分鐘 (如果加咗蓋要小心滾瀉), 之後就用一個高身的盒 把湯 & 湯料 盛起, 放涼後放入雪櫃冷藏, 食的時候, 將湯 & 湯料 加入 放咗字母粉的食物盒內 (或者將呢兩盒嘢, 倒入去一個可放入微波爐的碗或盒), 叮熱後就食得