自製哈蜜瓜雪糕, 無生雞蛋食譜

做法

1) 哈蜜瓜切半，去掉中間嘅核唔要，將瓜肉切粒方便打成泥狀。

2) 留少少肉切成粒，其餘肉就用攪拌機打至泥狀，盡量隔去多餘水份，只留肉，哈蜜瓜水可以自留飲用，而我將剩低的哈蜜瓜水加了梳打水，做個飲品雪凍，味道很fresh~!

3) 淡忌廉一定要由雪櫃攞出來冰凍咁直接用，用打蛋器打至8成企身 (即係有少少波浪紋咁)。而我有整開旦糕經驗，因為天氣熱，所以淡忌廉很難打至企身，因此在碗底坐一盆冰水， 保持淡忌廉的凍度，會更易將淡忌廉打至企身

4) 將幼鹽，煉奶和哈蜜瓜泥慢慢拌入忌廉，搞勻後，先放入冰箱2小時，攞出來用打蛋器打鬆，大約10秒就可以，再放回入冰箱。大家不用擔心顏色不夠，雪起後顏色會深一點，如果想要多點色彩，可自行加食用色素，而我個人喜歡無太多添加

5) 雪2小時攞出來，同樣用打蛋器打鬆，加入已留起嘅蜜瓜粒入雪糕中拌勻，舖返平啲雪糕，用保鮮紙包好，放入冰箱8小時或以上，至完全凝固就可以啦！

登登登鄧~~完成品!!