[滋潤湯水] 印度椰子雪耳紅蘿蔔粟米湯 by 鄭小b之成長日誌

簡介

星期尾有冷峰殺到，大家要注意保暖喔！
天氣又凍又乾，就會想起煲印度椰子湯！有清燥熱、滋陰潤肺、止咳嘅功效！而大部人都好喜愛用印度椰子嚟煲湯，嗰陣椰子香，真係好濃郁！
今次媽媽我再加埋雪耳同百合，成個湯潤到爆燈呀！

小記:
講起雪耳，原來有分爽同淋，多得雜貨鋪姨姨教路^^

材料

做法

南北杏及無花果浸洗淨。無花果剪開半 (易出味)，備用。

肉汆水，備用。

粟米洗淨，切開幾段。

紅蘿蔔去皮，洗淨切件，備用。

印度椰子切片，備用。

百合撕開一瓣瓣，洗淨備用。

雪耳浸水發透，去除硬頭，然後撕成小塊。

煲內注入水，除鮮百合外，將所有材料加入，大火滾10分鐘，轉慢火煲2小時，最後15分鐘加入鮮百合，之後加入適量鹽調味，飲得。

小貼士

加了雪耳煲的湯水，要即日食/飲用，不能擺放隔夜，會釋放有害物，會對人體造成嚴重危害。