蘑菇忌廉湯

1. 洋蔥, 蒜頭切碎, 蘑菇用濕紙巾/濕布抹走表面D泥之後切片
2. 响煲湯個煲度用牛油起鑊, 加入洋蔥, 蒜頭粒, 炒到洋蔥透透地, 倒埋D蘑菇落去一齊炒

3. 炒到蘑菇軟身, 出水, 就落黑椒, 香草, 兜勻佢, 贊白酒(去蘑菇草青味), 呢個時候應該會見到煲底有D水咁 (如圖)<-應該已經手軟
先落1湯匙麵粉, 炒勻, 如果仲見到有水, 就再落, 直至到見唔到煲底有水為止
4. 加500ml清雞湯+約200ml水落去蘑菇度 煮滾, 會見到佢杰杰地, 熄火
5. 拎出你枝神仙棒, 開機應該唔駛10秒就變咗香滑忌廉湯~ 再打多一陣就超滑了~(冇神仙棒GE同學仔就倒落攪拌機攪拌佢, 再倒返落個煲度)
6. 再煑滾, 試味, 唔夠味就落小小鹽, 太咸就落多D水, 熄細D個火, 落忌廉, 搞勻佢, 見開始滾就熄火, 飲得~

7. 裝飾 (optional)
不落個湯碟度, 用量杯(或任何有咀的杯)倒落湯度, 唔好郁佢一陣, 你倒落去個型十零秒會浮返上來~ 再嬸小小香草碎响面, 就同出面收你幾十蚊一碗的蘑菇湯一樣喇~