心型嫁女餅

• 咸蛋黃取出蒸熟,切一粒粒. 我幅圖用了搓爛的方法.朋友教我切粒會好包D;  每份蓮蓉20g,包入蛋黃,搓成波,放埋一邊.
•  水皮所有材料拌勻, 加少少水, 直至光滑, 拌勻過程可先將麫粉過篩, 堆成一座山, 中間挖個窿,放入糖, 慢慢加入染有色素的水, 將糖溶解再慢慢將菜油同粉混埋一 齊;  分成每12g一份, 保鮮紙蓋著,放埋一邊.
• 油皮: 將粉過篩, 同菜油拌勻; 分成每8g的波波, 保鮮紙著,放埋一邊

• 造蘇皮就是將油皮水皮包埋一齊
• 工作枱上撒出4湯匙低筋粉備用. 將粉紅色水皮壓扁,用棍由外至內推入,  (只是推約1CM),開大個皮,就包入搓圓了的油皮波
• 註: 一定是要水皮包油皮的.

宜家準備造多層的蘇皮. 將粉紅色波波醜樣那邊向上,用手輕壓成長扁壓, 再用棍推長

• 向內捲,開口向下壓著,用棍如圖的壓頭尾. 
• 再將頭尾收在底部, 放埋一邊等佢放鬆一吓.

• 用手壓扁蘇皮, 用棍由外至內推邊開大, 用手造個好似細碗仔的形. 
• 包入蓮蓉,收口. 然後將心心打側兩邊向枱壓就壓到個尖位, 跟住用條幼棍壓出心心中間位置.

• 色素唔駛加水,印章沾上顏色後先用紙巾印走多餘液體.在準備印壓的位置上用手指輕壓平面,再壓到餅上.
• 約攝氏150度,加熱5分鐘焗12分鐘.