【感冒止咳古方】燉蘋果洋蔥蒜頭汁 by aminn

簡介

呢排天氣好似坐過山車咁，凍一排又熱返一日，又凍返先再回暖，所以大家都要小心身體，千祈唔好喺新年前病呀~好似我咁..
為咗快啲好返，除咗有睇醫生食藥，都搵下有無咩加強抵抗力嘅食療又簡單又有效。其中我見到呢個好多成功經驗嘅「古方」，屋企經常都會有齊晒三樣材料，所以就即刻試下呢個「洋蔥蘋果蒜頭汁」喇！

材料

做法

蘋果、洋蔥去皮之後切細件，蒜頭去皮後拍鬆

係燉盅內倒放一個細碗，將材料鋪上去

中火燉45-60分鐘，時間夠就可以先將材料夾出嚟

拎走個碗就可以見到燉出嚟嘅「洋蔥蘋果蒜頭汁」

小貼士

終於到試味環節，原來1人份燉出嚟都唔係太多，真係滴滴皆辛苦....味道其實似蘋果湯，仲要主要係甜味(蘋果汁已經遮晒洋蔥蒜頭味！)，易入口小朋友都會鍾意！